काठमाडौं १८ फागुन ।
प्रधानमन्त्री केपी शर्मा ओलीले मुलुकलाई भ्रष्टाचारमुक्त बनाउने दावी गर्नुभएको छ ।
आज मनमोहन कार्डियोथोरासिक भास्कुलर तथा ट्रान्सप्लान्ट सेन्टरको एनेक्स भवनको शिलान्यास गर्दै प्रधानमन्त्री ओलीले अबको नेपाल भ्रष्टचारमुक्तm हुने बताउनु भएको छ ।
यस्तै प्रधानमन्त्री ओलीले सरकारले ढिला नगरी मुलुकको आवश्यक्ता अनुसारको शैक्षिक जनशक्ति उत्पादन गर्ने प्रतिवद्धता पनि व्यक्त गर्नुभएको थियो ।
उहाले शिक्षा, स्वास्थ्य, कृषि, पर्यटन लगायतका क्षेत्रको विकासका लागि सरकारले आवश्यक्ता अनुसारको जनशक्ति उत्पादन गर्ने विधि र प्रक्रियाको विषयमा गम्भिर छलफल गरिरहेको पनि बताउनु भएको छ ।
प्रधानमन्त्री ओलीको मुलुकको समग्र क्षेत्रको विकासलाई अघि बढाउन पनि दक्ष जनशक्ति उत्पादनको काममा ढिलाई गर्न नहुनेमा सरकार सचेत रहेको बताउनु भयो ।
काठमाडौंको महाराजगंजस्थित त्रिभुवन विश्वविद्यालय शिक्षण अस्पताल परिसरमा रहेको २३ आना जग्गा भित्र मनमोहन सेन्टर एनेक्स भवन निर्माण गर्न लागिएको हो ।
भवन तथा सहरी विकास विभागको अगुवाईका निर्माण गर्न लागिएको सो भवन १९ महिना भित्र सम्पन्न गरिसक्ने लक्ष्य लिइएको छ । भवन निर्माणका लागि सरकारले ३० करोड रुपँैया बजेट विनियोजन गरिसकेको छ ।
