काठमाडाैं,१६ फागुन ।
प्रधानमन्त्रीका लागि भएको निर्वाचनमा १७ पटक उठेर हारेका कांग्रेस बरिष्ठ नेता रामचन्द्र पौडलले अाफ्नाे चाहना पुरा गर्ने भएका छन् । एकपटक प्रधानमन्त्रीको कुर्सीमा बस्ने मनोकांक्षा लिएर हिडिरहेका पाैडेल कांग्रेसको छाँया सरकारको प्रधानमन्त्री बन्दै छ ।
प्रतिनिधिसभा निर्वाचनमा चुनावी प्रचारप्रसारका क्रममा पौडेललाई भाबी प्रधानमन्त्रीका रुपमा परिचित गराइएको थियो । निर्वाचनमा पराजित भएसँगै उनको त्यो सपना पनि सपनामै सीमित भएको छ । तर, पनि सरकारका काम कारबाहीलाई ‘चेक एण्ड ब्यालेन्स’ गर्न बन्न लागेको छाँया सरकारको नेतृत्व नेता पौडेलले गर्ने लगभग निश्चित भएको छ ।
कांग्रेस स्रोतका अनुसार प्रधानमन्त्री केपी ओलीसहित सबै मन्त्रीका गतिविधि नजिकबाट अनुगमन र गलत कार्य भएको अवस्थामा खवरदारी गर्न बन्ने सरकारमा प्रधानमन्त्री बँन्न रामचन्द्रले ईच्छा देखाएका हुन् । यसमा अन्य नेताले विरोध गर्ने सम्भावना कम छ ।
पार्टीका धेरै नेताले पनि रामचन्द्र छाँया सरकारको प्रधानमन्त्री बनुन् भन्ने चाहन्छन् । पार्टीमा माथिल्लो तहमा पुगेर पनि अभागी नेताका रुपमा रहेका पौडेल मुलुकको प्रधानमन्त्री बन्न नपाए पनि उनलाई छाँया सरकारको प्रधानमन्त्री बनाउने पक्षमा नेताहरु छन् ।त्यस्तै, सो सरकारमा गृहमन्त्रीका रुपमा गगन थापाको नाम चर्चामा छ ।
