काठमाडौं, १४ फागुन ।
नेकपा माओवादी केन्द्र रामबहादुर थापा बादलको नेतृत्वमा सरकारमा जाने भएकाे छ । माअाेवादीले आफ्ना तर्फबाट सरकारमा पठाउने मन्त्रीहरुको सूची तयार पारेको छ ।
बादललाई गृहमन्त्रालयको जिम्मेवारी दिइने भएको छ । यस अघि उनी २०६५ मा प्रचण्ड नेतृत्वको सरकारमा रक्षा मन्त्री भएका थिए । त्यसबेला उत्पन्न प्रधान सेनापति प्रकरणपछि प्रचण्डले राजीनामा गरेका थिए ।
त्यसबोहक माओादीका तर्फबाट बादलबाहेक मन्त्रीको सूचीमा मात्रिका यादव, बर्षमान पुन, शक्ति बस्नेत, जनार्दन शर्मा, गिरिराजमणि पोखरेल र बीना मगरको नाम टुंगिएको छ । पूर्वगृहमन्त्रीसमेत रहेका बस्नेत र पूर्वअर्थमन्त्री पुनलाई शक्तिशाली मन्त्रालय दिने तयारी रहेको माओवादी निकट उच्च स्रोतले बतायो । तर, कसलाई कुन मन्त्रालय दिइयो भन्ने खुलाइएको छैन । आज प्रधानमन्त्री ओलीले मन्त्रिमण्डल बिस्तार गर्दैछन् ।
