काठमाडौ ११ फागुन ।
सरकारमा पठाउने मन्त्रीहरुको नाम टुंगो लगाउन बसेको एमाले स्थायी समिति बैठकले सरकारमा जाने मन्त्री छान्ने जिम्मा अध्यक्ष केपी शर्मा ओलीलाई दिएको छ ।
आज प्रधानमन्त्रीको सरकारी निवास बालुवाटारमा बसेको बैठकले मन्त्री छान्ने जिम्मेवारी प्रधानमन्त्री समेत रहेका ओलीलाई दिएको प्रवक्ता योगेश भट्टराईले जानकारी दिनुभयो ।
प्रवक्ता भट्टराईका अनुसार बैठकमा नेताहरुले पार्टीबाट मन्त्री छान्दा भूगोल, योग्यता र क्षमता हेरेर छनोट गर्नुपर्ने धारणा राखेका थिए ।
त्यस्तै एमालेले गत फागनु सात गते एमाले माओवादीबीच भएको पार्टी एकताको सात बँुदे आधारपत्र अनुमोदन गरेको छ । बैठकले संघीय समाजवादी फोरम र राजपालाई समेत सरकारमा ल्याउन छलफल गर्ने निर्णय गरेको छ ।
एमाले सचिव समेत रहेका भट्टराईले पार्टी एकता अन्तिम चरणमा पुगेकाले एमालेका सवै कमिटीका सम्मेलन स्थगित गर्न निर्देशन दिने निर्णय गरेको बताउनु भयो । पार्टी सदस्यता, नविकरण र प्रशिक्षण जस्ता कार्यक्रम भने नरोक्ने एमालेले जनाएको छ ।
