काठमाडौ १० फागुन ।
नेपाली काँग्रस केन्द्रीय कार्यसमितिको बैठक यही फागुन १३ गते आइतबार बस्ने भएको छ ।
बैठक बिहान ९ बजे केन्द्रीय कार्यालय ललितपुरमा बस्ने छ ।
आज बिज्ञप्ती जारी गर्दै पार्टीले बैठकमा उपस्थित हुन केन्द्रीय कार्यसमितिका पदाधिकारी र सदस्यहरुलाई आग्रह गरेको छ ।
यसैबीच कांग्रेसले आजका लागि बोलाएको कार्यसम्पादन बैठक स्थगित भएको छ । कार्यसम्पादनअघि संसदीय दलको बैठक बस्ने तयारी भएको कांग्रेसले जनाएको छ ।
पार्टीका तर्फबाट प्रतिनिधिसभा र राष्ट्रियसभामा प्रतिनिधित्व गर्ने सांसदको संयुक्त बैठक कांग्रेस संसदीय दलको कार्यालय सिंहदरबारमा पर्सी शनिबार बस्ने कांग्रेस प्रवक्ता विश्वप्रकाश शर्माले जानकारी दिनुभयो ।
आजका लागि बोलाइएको केन्द्रीय कार्यसम्पादन समितिको बैठक स्थगित गरेर त्यसअघि सांसदको बैठक बोलाइएको कांग्रेसले जनाएको छ ।
बैठकमा संसदीय दलको गठन र विधान परिमार्जनलगायत विषयमा छलफल हुने र त्यसपछि मात्रै कांग्रेस केन्द्रीय कार्यसम्पादन समितिको बैठक बस्ने प्रवक्ता शर्माले जानकारी दिनुभयो ।
