काठमाण्डौ , ८ फागुन ।
नेपाल कम्युनिष्ट पार्टीले आज आह्वान गरेको बन्दका क्रममा प्रहरीले देशका विभिन्न ठाउँहरुबाट कार्यकर्ता र समर्थकहरुलाई गिरफ्तार गर्ने क्रम जारी छ ।
यसैक्रममा नेकपा मोरङका सेक्रेटरी उदय राई ‘युगेन’ र दलित मुक्ति मोर्चाका केन्द्रीय सचिव जितेन्द्र मोहरालाई प्रहरीले पक्राउ गरेको छ ।
प्रहरीले मोरङबाट राई सहित मजदुर नेता सागर राई र युवा जनस्वयंसेवका हरि कार्की लगायत ४ जना र सुनसरीबाट दुई जना पत्रकार सहित ६ जनालाई गिरफ्तार गरेको छ ।
ईटहरीबाट लक्षमण कार्की र निरज , धरानबाट दुर्गा सन्कर र यमालाई प्रहरीले गिरफ्तार गरेको नेकपा सुनसरीले जनाएको छ ।
यस्तै सुन्दरहरैचा नगरपालिकाको गठियाबाट नेकपाका कार्यकर्ता बालकुमार श्रेष्ठ र गोपाल बस्नेतलाई प्रहरीले पक्राउ गरेको छ ।
यता काठमाडौंबाट नेकपानिकट जनगणतान्त्रिक सम्पर्क मञ्च संबद्ध अभियान राई लाई पनि प्रहरीले पक्राउ गरेको छ ।
