काठमाडौँ ,७ फागुन । नेकपा एमाले र नेकपा माओवादी केन्द्रका शिर्ष नेता सम्मिलित पार्टी एकता संयोजन समितिको बैठक प्रधानमन्त्री निवास बालुवाटारमा बसिरहेकाे छ ।
आजको बैठकले सैद्धान्तिक र संगठनात्मक दुवै विषयमा मिलाउन कार्यदल गठन गर्ने र पार्टी एकताको मिति घोषणा गर्ने अनुमान गरिएको छ ।यही फागुन २ गते मानभवन लतिलपुरमा बसेको बैठकमा केही सैद्धान्तिक विषयमा मिलाउन बाँकी रहेकेा र साेहि बिषयमा छलफल गरि अन्तिम निर्णयमा पुग्ने नेताहरूले जनाएका छन् ।
बैठकमा प्रधानमन्त्री तथा एमालेका अध्यक्ष केपी शर्मा ओली, वरिष्ठ नेता झलनाथ खनाल, पार्टीका नेता माधवकुमार नेपाल र उपाध्यक्ष वामदेव गौतम तथा माओवादी केन्द्रका अध्यक्ष पुष्पकमल दाहाल ‘प्रचण्ड’ तथा नेताहरु नारायणकाजी श्रेष्ठ र रामबहादुर थापा छन् ।
लगातार दुई दिनसम्म एमाले अध्यक्ष ओली र माओवादी अध्यक्ष प्रचण्डबीच वान टु वान वार्ता भएपछि आज बसेको एकता संयोजन समिति बैठकलाई निर्णायक मानिएको छ । दुई दलबीच पार्टीको सैद्धान्तिक नीति र सांगठानिक संरचनाबारे कुरा मिल्न बाँकी छ ।
