काठमाडौं ७ फागुन ।
नेकपा एमाले र माओवादी केन्द्रबीच पार्टी एकताका विवादीत विषयमा सहमति जुटेको छ । प्रधानमन्त्री एवं एमाले अध्यक्ष केपी ओली र माओवादी अध्यक्ष प्रचण्डबीच आज भएको ‘वान टु वान’ वार्तामा पार्टी एकताको सहमति जुटेको हो ।
नेताहरुका अनुसार आजै सहमतिमा हस्ताक्षर हुनसक्ने नेताहरुले बताएका छन् ।
दुई नेताबीच भएको सहमतिलाई अन्तिम रुप दिन साँझ ७ बजे पार्टी एकता संयोजन समितिको बैठक बोलाइएको छ ।
स्रोतका अनुसार दुई नेताबीच पार्टीको नाम, नेतृत्व र बैचारिक राजनीतिक विषयमा सहमति जुटेको छ ।
जनताको बहुदलीय जनवाद, २१ औं सताब्दीको जनवाद, माओवाद लगायतका वैचारिक राजनीतिक विषयलाई बहसमा लैजान दुबै नेता सहमत भएका छन् ।
पार्टीको नाम ‘नेपाल कम्युनिष्ट पार्टी’ रहनेछ भने ओली र प्रचण्ड दुबै अध्यक्ष रहनेछन् । सहअध्यक्ष वा द्वि–अध्यक्ष के भन्ने पार्टी एकता संयोजन समितिले टुंगो लगाउने एमाले उपा
ध्यक्ष बामदेव गौतमले पुष्टि गर्नु भएको छ ।
