४ फागुन, डोटी ।
एमालेले प्रदेश ७ को संसदीय दलको नेता सहमतीमा चुन्ने निर्णय गर्दै त्यसको जिम्मा केन्द्रीय उपाध्यक्ष तथा प्रदेश ७ का संयोजक भीम रावललाई दिएको छ ।
आज विहान बसेको प्रदेश ७ को संसदीय दलको बैठकले आकांक्षी सांसदहरुसँग परामर्श गरी संसदीय दलको नेता तोक्न प्रदेश संयोजक भीम रावललाई दिइएको हो ।
आकांक्षी धेरै भएपछि पार्टी पद्धति, अन्य प्रदेशहरुमा भएका अभ्यासहरु, योग्यता, सांगठनिक मर्यादा लगायतका कुराहरुलाई ध्यानमा राख्दै संसदीय दलको नेता चुन्न रावलाई दिईएको सांसद पूर्णा जोशीले जानकारी दिनुभयो ।
संसदीय दलको बैठकमा सांसदहरु प्रकाशबहादुर शाह, दीर्घ सोराडी, पठान सिंह बोहरा र लिलाधर भट्टले संसदीय दलको नेताका लागि आकांक्षा देखाएका थिए ।
सम्भवत आज साझ या भोलिसम्म संसदीय दलको नेता चयन भइसक्ने उहाँको भनाइ छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
