काठमाडौ ३ फागुन ।
प्रदेश नम्बर दुई र पाच का मुख्यमन्त्रीले आज सम्बन्धित प्रदेश प्रमुखबाट पद तथा गोपनियताको सपथ ग्रहण गरेका छन् ।
सपथ लगत्तै मुख्यमन्त्रीले सानो आकारको मन्त्रीमण्डल पनि बिस्तार गरेका छन् ।
प्रदेश नम्बर २ को मुख्यमन्त्रीमा नियुक्त हुनु भएका मोहम्मद लालबाबु राउतले प्रदेश प्रमुख रत्नेश्वरलाल कायस्थबाट सपथ लिनुभयो ।
राजपाको समर्थनमा मुख्यमन्त्री बन्नुभएका उहाँले आजै तीन सदस्यीय मन्त्रीमण्डल बिस्तार गर्नुभएको छ ।
संघिय समाजवादी फोरमका विजय यादवलाई अर्थ र राजपाका जितेन्द्र सोनललाई भौतिक पूर्वाधार विकास मन्त्रालयको जिम्मेवारी दिईएको छ । नवनियुक्त मन्त्रीहरुले मुख्यमन्त्री राउतवाट सपथ लिनुभएको छ ।
यस्तै प्रदेश नं. ५ मा मुख्यमन्त्री शंकर पोखरेलले पनि प्रदेश प्रमुख उमाकान्त झाबाट पद तथा गोपनियताको सपथ लिंनुभयो ।
पोख्रेलले पनि तीन सदस्यीय मन्त्रीमण्डल बिस्तार गर्नुभएको छ । संसदीय दलका नेता समेत रहनुभएका माओवादीका कुलप्रसाद केसीले आन्तरिक मामिला तथा कानुन मन्त्रालय र एमालेका वैजनाथ चौधरीले भौतिक पूर्वाधार विकास मन्त्रालयको जिम्मेवारी सम्हाल्नुभएको छ ।
