काठमाडौ २५ माघ ।
राष्ट्रिय सभा सदस्य निर्वाचन सकिएसँगै निर्वाच्न आयोगले गत मंसिरमा सम्पन्न प्रतिनिधि सभा समानुपातिक तर्फको नतिजा सार्वजनिक गर्ने प्रक्रिया अघि बढाएको छ ।
आयोगले प्रतिनिधिसभा अन्तर्गत समानुपातिक तर्फ दलहरुले प्राप्त गरेको सिट संख्याका आधारमा समावेश गर्नुपर्ने महिला सिट समेत तय गरी दलहरुलाई आज पत्राचार गर्ने भएको छ ।
संघीय संसदमा महिलाको संख्या ३३ प्रतिशत र्पुयाउन राष्ट्रिय सभाको नतिजा पर्खिएको आयोगले राष्ट्रिय सभाको परिणाम आएसँगै प्रतिनिधिसभा अन्तर्गत समानुपातिक तर्फको प्रक्रिया अघि बढाएको हो ।
प्रतिनिधि सभाको प्रत्यक्षमा जितेका, राष्ट्रिय सभा सदस्यमा हिजो निर्वाचित भएका सहित ३३ प्रतिशत महिला प्रतिनिधित्व सुरक्षित गर्न आवश्यक पर्ने सिट संख्या तोकेर दलहरुलाई पत्राचार गर्न लागिएको आयोगका प्रवक्ता नबराज ढकालले बताउनुभयो ।
प्रतिनिधि सभा सदस्य निर्वाचन ऐनको दफा ६० चारको ब्यबस्था अनुसार तीन दिनको समयसीमा सहित दलहरुलाई बन्दसुचीबाट सदस्य छान्न पत्रचार गर्ने तयारी भएको प्रबक्ता ढकालले जानकारी दिनुभयो ।
