काठमाण्डौ , १६ माघ ।
नेपाली काग्रेसका नेता प्रकाशमान सिहले कांग्रेसले विधि प्रक्रिया पुर्याएर सत्ता हस्तान्तरण गर्ने बताउनु भएको छ ।
बेथानचोक गाउँ पालिका काभ्रे ढुङखर्कमा आज आयोजित पाटनेखोला पुल उदघाटन समारोहमा बोल्दै उहाँले निर्वाचनको सबै प्रक्रिया पुरा गरेर जनमतको समान गर्दै जिम्मेवार प्रतिपक्ष को भुमिका निर्वाह गर्न काग्रेस तयार रहेको बताउनु भयो ।
काग्रेस सरकार टिकाउने खेलमा लागेको आरोप लागिरहेका बेला नेता सिंहले निर्वाचनमा प्राप्त जनमतको आधारमा सरकार सन्चालन हुन्छ भन्नेकुरा आफुहरुलाई सिकाउन नपर्ने पनि तर्क गर्नुभयो ।
कांग्रेसले पनि पटक पटक सता सचालनको जनमत पाएको स्मरण गराउदैँ उहाँले पुरानो पार्टी भएकैले होसियार प्रतिपक्षको भूमिका अब बन्ने नयाँ सरकारसँग देखाउने धारणा राख्नुभयो ।
जनताले हामिलाई पत्याए , जनमत बलियो छ भने घमण्ड नगर्न पनि वाम गठबन्धनलाई उहाँले सुझाव दिनुभयो ।
सबै राजनीतिक दलहरु मिलेर जान सके मात्रै लोकतन्त्र को रक्षा गर्न सकिने भएकाले राजनीतिक दलहरुहरुबीच एक अर्कालाई आरोप लगाएर तिक्तताको वातावरण नबनाउन समेत दलका नेताहरुलाई अपिल गर्नु भयो ।
कांग्रेस काभ्रेका नेता कन्चनचन्द्र बादेले आफुहरु जिल्लाको बिकासका लागि तेरो मेरो नभनि अहोरात्र जुट्ने बताउनु भयो ।
बेथानचोक गाउपालिकाका प्रमुख प्रेम बहादुर सिहले आफुहरु गाउपालिकाको बिकास गर्न लागिपरेकाले सबैको साथ सहयोग हुनुपर्नेमा जोड दिनु भयो ।
