काठमाडौँ , १५ माघ ।
निर्वाचन आयागेले राष्ट्रियसभा सदस्य निर्वाचनका लागि मनोनयन दर्ता गरेका उम्मेदवारहरुको अन्तिम नामावली आज प्रकाशन गर्दै छ । त्यसअघि आज उम्मेदवारले आफ्नो उम्मेदवारी फिर्ता लिन चाहेमा निवेदन दिन सक्नेछ ।
उम्मेदवारी फिर्ताका लागी हिजो (आईतवा) दिउसो १ बजेदेखि आज २ बजे सम्मको समय निर्धारण गएिको छ ।
आज नै अपरान्ह ३ बजे आयोगले उम्मेदवारको अन्तिम नामावली प्रकाशन गर्ने छ भने निर्वाचन चिन्ह पनि सोही दिन नै प्रदान गर्नेछ ।
आगामी २४ गते विहान १० बजे देखि साँझ ५ बजे सम्म राष्टिय सभा निर्वाचनका लागि मतदान हुनेछ । त्यसबाट ५६ जना निर्वाचित हुनेछन् । ५९ सदस्यीय राष्टिय सभा सदस्यमा सरकारको सिफारिसमा राष्ट्रपतिले तीन जनालाई मनोनित गर्ने व्यवस्था छ ।
निर्वाचनका लागि प्रदेश नं १ को विराटनगर, प्रदेश नं २ को जनकपुरधाम, प्रदेश नं ३ को पाटन, प्रदेश नं ४ को पोखरा, प्रदेश नं ५ को दाङ, प्रदेश नं ६ को सुर्खेत र प्रदेश नं ७ को डोटीमा निर्वाचन केन्द्र तोकिएको छ ।
प्रदेश २ का आठै सदस्य निर्विरोध निर्वा्चित भएका छन् ।
