काठमाडौं, माघ १४ ।
निर्वाचन आयागेले आज राष्ट्रियसभा सदस्य निर्वाचनका लागि मनोनयन दर्ता गरेका उम्मेदवारहरुको नामावली प्रकाशन गर्दै छ । त्यसका लागि आयोगले विहान १० बजे देखि १ बजे सम्मको समय निर्धारण गरेको छ ।
यदि उम्मेदवारले आफ्नो उम्मेदवारी फिर्ता लिन चाहेमा पनि दिउसो १ बजेदेखि भोली २ बजे सम्मको समयमा निवेदन दिन सक्नेछन् ।
सोहि दिन अपरान्ह ३ बजे आयोगले उम्मेदवारको अन्तिम नामावली प्रकाशन गर्ने छ भने निर्वाचन चिन्ह पनि सोही दिन नै प्रदान गर्नेछ ।
आगामी २४ गते विहान १० बजे देखि साँझ ५ बजे सम्म राष्टिय सभा निर्वाचनका लागि मतदान हुनेछ । त्यसबाट ५६ जना निर्वाचित हुनेछन् । ५९ सदस्यीय राष्टिय सभा सदस्यमा सरकारको सिफारिस राष्ट्रपतिले तीन जनालाई मनोनित गर्ने व्यवस्था छ ।
निर्वाचनका लागि प्रदेश नं १ को विराटनगर, प्रदेश नं २ को जनकपुरधाम, प्रदेश नं ३ को पाटन, प्रदेश नं ४ को पोखरा, प्रदेश नं ५ को दाङ, प्रदेश नं ६ को सुर्खेत र प्रदेश नं ७ को डोटीमा निर्वाचन केन्द्र तोकिएको छ ।
