धनकुटा, माघ ५ । अान्दाेलनले चर्किएपछि धनकुटामा स्थानीय प्रशासनले लगाएको कर्फ्यु आज दोस्रो दिन पनि जारी छ ।
प्रदेश नं १ को मुकाम धनकुटा नतोकिएको विरोधमा थालिएको आन्दोलनले उग्ररुप लिएपछि बिहीबारदेखि स्थानीय प्रशासनले कर्फ्यु लगाएको छ । आन्दोलनकारीले केही सरकारी कार्यालयसहित प्रहरीको गाडी, दमकल र एम्बुलेन्ससमेत तोडफोड गरेपछि कर्फ्यु लगाउनु परेको स्थानीय प्रशासनको भनाइ छ ।
प्रहरी र आन्दोलनकारीबीच झडप बढेपछि लगाइएको कर्फ्यु निरन्तर गरिएको हो । स्थिति सामान्य नभएकाले कर्फ्यु नहटाएको प्रमुख जिल्ला अधिकारी प्रेमप्रकाश उप्रेतीले जानकारी दिए ।
सामूहिक रुपमा भेला हुन नपाए पनि व्यक्तिले आफ्नो काम गर्न कुनै असर नपर्ने जनाइएको छ । लगातारको बन्द र कर्फ्युले जनजीवन भने असामान्य बनेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
