४ माघ,काठमाडौँ । नेपाली काँग्रेसका सभापति तथा प्रधानमन्त्री शेरबहादुर देउवालाई भारतका राजधानी दिल्लीबाट धम्की आएको छ । प्रदेश प्रमुखको नियुक्ती र अस्थायी राजधानबारे गरेको निर्णय सच्चाउन धम्की आएको हो ।
धम्की अरुले नभएर आफ्नै पार्टीका नेता खुमबहादुर खड्काले दिएका हुन् । उपचारको लागि हाल दिल्लीमा रहेका नेता खड्काले प्रदेश पाँचको राजधानी रुपन्देही तोक्ने निर्णय तत्काल सच्याउन प्रधानमन्त्रीलाई धम्की दिएका छन् । निर्णय नसच्चाए पार्टीको अान्तरिक समिकरणमा जे पनि हुन सक्ने खड्काले चेतावनी दिएको बताइएको छ ।
स्वकीय सचिव चुडामणी कँडेलका अनुसार नेता खड्काले बुधबार र विहीबार पटक पटक फोन गरेर देउवालाई निर्णय सच्याउन दवाव दिएका हुन् ।
खड्काले पाँच नम्बर प्रदेशको अस्थायी मुकाम बुटवल तोकेको जानकारी पाउने वितिक्कै खड्काले दाङबाट प्रतिनिधित्व गर्ने अन्य पार्टीका नेताहरुलाई फोन गरेर निर्णय सच्चाउन लगाउन दवाव दिन भनेका थिए । उनले आफू चाँडै स्वादेश फिर्ता हुने समेत बताएका छन् ।
आफ्नै पार्टी नेतृत्वको सरकारले गरेको निर्णयबाट दाङका अर्का नेता दीपक गिरीले पनि विहीबार बसेको केन्द्रीय समिति बैठकमा निर्णय सच्चाउन प्रधानमन्त्रीको ध्यानाकर्षण गरेका थिए ।
