१ माघ, काठमाडौं ।
नेकपा माओवादी केन्द्रका अध्यक्ष पुष्पकमल दाहाल प्रचण्डले एमाले र माओवादीबीच एकता भएरै छाड्ने दोहोर्याउनु भएको छ ।
कम्युनिष्टहरुको केन्द्र बनाउने प्रस्तावलाई जनताले अनुमोदन गरेको भन्दै उहाँले अब कार्यान्वयन गर्ने जिम्मा नेतृत्वको भएको बताउनु भयो ।
काठमाण्डौमा आयोजित कार्यक्रममा प्रचण्डले जनतासामू गरिएको संकल्प अनुसार बलियो कम्युनिष्ट केन्द्र बनाउनु पर्ने भन्दै एकताबाट पछि नहट्ने बताउनु भयो ।
राजनितिक क्रान्ति सकिएकाले अब विकास निर्माणको युग सुरु गर्नु पर्ने पनि उहाँले बताउनु भयो ।
कसैले सड्यन्त्र गर्दैमा एकता नतोडिने भन्दै उहाँले एमाले अध्यक्ष ओली र आफुले एकताबाट कुनै पनि मूल्यमा पछि नर्फकने र जनताको आकांक्षा अनुसार अघि बढ्ने संकल्प गरेको बताउनु भयो ।
प्रचण्डले ७० वर्षपछि स्थायी सरकार बन्न लागेको भन्दै नयाँ सरकार बनेसँगै विकासले गति लिने बताउनु भयो ।
