काठमाडौ २९ पौष ।
निर्वाचन आयोगले राष्ट्रियसभा सदस्य निर्वाचनका लागि सातै प्रदेशमा आज मुख्य निर्वाचन अधिकृतको कार्यालय स्थापना गरेको छ ।
आगामी माघ २४ गते हुने निर्वाचनका लागि उच्च अदालत रहेको जिल्लाको सदरमुकाममा निर्वाचन अधिकृतको कार्यालय स्थापना गरिएको हो ।
प्रदेश १ को विराटनगरस्थित विरेन्द्र सभागृहमा निर्वाचन अधिकृतको कार्यालय स्थापना गरिएको छ ।
यसैगरी प्रदेश २ को धनुषा, प्रदेश ३ को ललितपुर, प्रदेश ४ को कास्की, प्रदेश ५ को दाङ, प्रदेश ६ को सुर्खेत र प्रदेश ७ को हमा निर्वाचन अधिकृतको कार्यालय डोटी जिल्लाको सदरमुकाममा स्थापना गरिएको छ ।
कार्यालय स्थापना भएको जिल्लाका बुधवार नै न्यायाधीशलाई निर्वाचन अधिकृत नियुक्ति गरिएको छ ।
हरेक कार्यालयमा छुटाछुट्टै दुईवटा मतदान केन्द्र रहनेछन् । एउटा मतदान केन्ऽबाट स्थानीय तहका प्रमुख र उपप्रमुख तथा अर्कोबाट प्रदेशसभाका सदस्यहरुले मतदान गर्नेछन् ।
कार्यलय स्थापनापछि अब मुख्य निर्वाचन अधिकृतले राष्ट्रियसभा निर्वाचनको प्रक्रियासंगै राष्ट्रिय सभाका मतदाताहरु गाउँपालिकाका अध्यक्ष उपाध्यक्ष, नगर प्रमुख उपप्रमुख तथा प्रदेशसभा सांसदलाई निर्वाचन प्रक्रिया बारे जानकारी गराउने आयोगका प्रवत्ता नवराज ढकालले जानकारी दिनुभयो ।
