डोटि पुस २६ ।
प्रादेशिक राजधानीको माग गर्दै आजदेखि डोटीमा रिले अनशन सुरु गरिएको छ ।
साविकको क्षेत्रीय सदरमुकाम रहेको दिपायलमा प्रदेश नम्बर–७ को राजधानी बनाउनुपर्ने माग गर्दै डोटी नागरिक समाजले रिले अनशन सुरु गरेको हो ।
दिपायलस्थित क्षेत्रीय प्रशासन कार्यालयनजिकै आज बिहान ९ बजेबाट २४ घन्टे रिले अनशन सुरु गरिएको छ ।
सायल गाउँपालिका–५, पटकानीका ३५ वर्षीय तेज डुम्रेल र डा । केआइसिंह गाउँपालिका–४, चन्केसैनका ५० वर्षीय खगेन्द्रप्रसाद भट्टले रिले अनशन थालेका थिए ।
सरकारले दिपायलमा प्रदेश–७ को राजधानी घोषणा नगरेसम्म रिले अनशन जारी रहने समाजले जनाएको छ ।
उता संघर्ष समितिले भने प्रदेश राजधानी माग गर्दै क्षेत्रीय प्रशासन कार्यालयको गेटमा हिजो देखि सुरु गरेको धर्ना कार्यक्रमलाई जारी राखेकोे छ ।
विगत १४ दिनदेखि आमहडतालसहितको विभिन्न कार्यक्रम गर्दै आएको संघर्ष समितिले हिजोबाट धर्नाको कार्यक्रम थालेको हो ।
