काठमाडौं, कात्तिक ८।
चीनमा कम्युनिष्ट पार्टीको १९ औँ महाधिवेशनले पाँच नयाँ अनुहार सहित पाँच वर्षका लागि नयाँ नेतृत्व चयन गरेको छ । सी जिनपिङको उत्तराधिकारी घोषणा नगरी स्थायी समितिको घोषणा गरिएको हो ।
सात सदस्यीय नयाँ स्थायी समितिमा सी जिनपिङ, लि खछ्याङ, लि झाङ्सु, वाङ याङ, वाङ हुनिङ, झाओ लेजी र हान झेङ छन् । यस्तै चीनिया राष्ट्रपति दोस्रो कार्यकालका लागि निर्वा्चित हुनुभएको छ । महाधिवेशनले सिलाई दोस्रो कार्यकालका लागि सर्वसम्मतले चयन गरेको हो ।
महाधिवेशनमा ध्वनी मतका आधारमा सिलाई आगामि पाँच वर्षका लागि राष्ट्रपति चयन गरिएको हो । साथै सिलाई केन्द्रिय सैन्य आयोगको प्रमुखसमेत नियुक्त गरिएको छ ।
महाधिवेशनले यसअघि मंगलबार सि को विचार तथा सिद्धान्तलाई पार्टीको संविधानमा उल्लेख गर्ने निर्णय गरेर माओत्सेतुङकै बराबरीमा र्पुयाएको थियो ।
महाधिवेशनले बुधबार सिसहित ७ जना पोलिटब्युरो सदस्यको नाम पनि सार्वजनिक गरेको छ । गएको बुधबारदेखि चलिरहेको सम्मेलनले केन्द्रीय समिति र अनुशासन जाँचको केन्द्रीय आयोग लगायतका उच्च निकायको टुंगो लगाइसकेको छ ।
