एजेन्सी ८ असार ।
विद्रोही संगठन इस्लामिक स्टेट आइएसले इराकको मोसुल शहरमा रहेको ऐतिहासिक अल–नूरी मस्जिद ध्वस्त बनाएको छ ।
सन् २०१४ मा आइएसका नेता अबू बक्र अल–बगदादीले शरण लिएको मस्जिद आइएसले ध्वस्त बनाएको इराकी सेनाले जनाएको छ ।
तर आइएसले भने उक्त मस्जिद एक अमेरिकी लडाकू विमानबाट गरिएको हमलामा नष्ट भएको दाबी गरेको छ । आकाशबाट लिइएको तस्बिरमा मस्जिदको अधिकांश हिस्सा नष्ट भएको देखाइएको छ ।
इराकको सरकारी सेनाले मोसुल शहरलाई आइएसको नियन्त्रणबाट मुक्त गर्न कारबाही अभियान चलाइरहेको छ । इराकी सेनाका कमान्डर मेजर जनरल जोसेफ मार्टिनले आफूहरु मस्जिदबाट करिब ५० मिटर टाढा पुगेका बेला आइएसले अर्को एक गम्भीर अपराध गरेको बताउनु भयो ।
यसैबीच इराकका प्रधानमन्त्री हैदर अल अबादीले मस्दिज ध्वस्त पारेर आइएसले आफ्नो हार स्वीकार गरेको बताउनु भएको छ ।
यो मस्जिद सन् ११७२ मा निर्माण गरिएको थियो । आइएसले यसअघि इराक र सिरियाका केही महत्वपूर्ण ऐसतहासिक स्थल पनि ध्वस्त पारिसकेको छ ।
