बर्लिन (जर्मनी), २९ जेठ । जर्मन चान्सलर एन्गेला मर्केलले आगामी महिना हुने भनिएको जी–२० समूहको सम्मेलनको पूर्वाद्र्धमा सोमबार अफ्रिकी नेताहरूसँग छलफल गर्दै उक्त क्षेत्रको सुधारका लागि विशेष पहल गर्ने जनाउनुभएको छ ।
‘जी–२० अफ्रिका सहकार्य, साझा भविष्यका लागि लगानी’ नाम दिइएको भेलाको सोमबार बर्लिनमा जर्मन चान्सलर मर्केलले उद्घाटन गर्नुभयो ।
सम्मेलनमा अफ्रिकी यूनियनको चक्रिय प्रणाली अन्तर्गत नेतृत्व सम्हालेका इजिप्ट तथा गिनीका राष्ट्रपतिसमेत पाहुनाका रुपमा सहभागी बन्नुुभएको छ ।
भेलामा जर्मनले ३३ करोड ३५ लाख अमेरिकी डलरको बराबरको सहयोग अफ्रिकी मुलुकलाई दिने घोषणा गरेको बताएको छ ।
जर्मनीका विकासमन्त्री गर्ड मुलरले आफ्नो मन्त्रालयले भ्रष्टाचार, पारदर्शिता र मानव अधिकारको कार्यान्वयनमा जर्मनीका बाटो अख्तियार गर्ने मुलुकहरूलाई प्रोत्साहन गर्ने बताउनुभयो ।
मर्केलले अर्थतन्त्रका हिसावले विश्वका प्रमुख बीस शक्तिराष्ट्रहरूको समूह (जी–२०)को बार्षिक सम्मेलन जर्मनीको हमवर्गमा जुलाईको पहिलो साता हुदैछ र यसको आयोजना जर्मनीले गर्दैछ ।