एजेन्सी , २४ जेठ ।
इरानको संसद तथा पूर्व सर्वोच्च नेता अयातोल्लाह खामेनीको समाधिस्थलमा हतियारधारी समुहले बुधवार गरेको आक्रमण २ जनाको मृत्यु भएको छ । केही घाइते छन् ।
नेपाली समयअनुसार बुधवार बिहान पौने १२ बजेतिर आक्रमण भएको हो ।संसद परिसरमा भएको गोलाबारीमा १ सृुरक्षा गार्डको मृत्यु भएको छ भने अन्य केही हताहती भएका छन् ।
संसद भवनभित्र ५ जना भन्दा बढी व्यक्ति राईफल तथा पेस्तोलसहित प्रवेश गरी आक्रमण गरेको एक सांसदलाई उदृत गर्दै बीबीसीले उल्लेख गरेको छ ।
संसद भवनमा अझै ३ जना हतियारधारी लुकेर बसेकाले खतरा कायमै रहेको स्थानीय समाचार संस्थालाई उदृत गर्दै बीबीसीले जनाएको छ ।
यस्तै, तेहरानको दक्षिणमा रहेको रइस्लामिक गणतन्त्रका संस्थापक अयोतल्लाह खामेनीको पवित्र समाधिस्थल घुम्न पुगेका सर्वसाधारणमाथि ३ जना हतियारधारीले आक्रमण गरेका छन् ।
समाधिस्थल बाहिर एउटा आत्मघाती बम बिस्फोट समेत गराइएको थियो । त्यहाँ १ सर्वसाधारणको मृत्यु भयो भने ५ जना घाइते छन् ।
संसदबाट केही किलोमिटर दुरीमा रहेको समाधिस्थलमा पनि एकै पटक भएको आक्रमण योजनाबद्ध भएको आशंका गरिएको छ ।
