अाइतबार पूर्वी तटीय क्षेत्रबाट उत्तर कोरियाले प्रक्षेपण गरेको क्षेप्यास्त्र सी अफ जापानमा खसेको दक्षिण कोरियाका सैनिक अधिकारीहरुले बताएका छन् । क्षेप्यास्त्रले ४५० किलोमिटर टाढा पुगेर खसेको बताएका छन् ।

उत्तरको पछिल्लो परीक्षणले फेरि अमेरिका र दक्षिण कोरियालाई टाउको दुखाइको विषय बनेको छ ।

अमेरिकी राष्ट्रपति डोनाल्ड ट्रम्पले क्षेप्यास्त्र परीक्षणपछि प्रतिक्रिया दिँदै उत्तर कोरियासँग अमेरिका एक्लै जुध्न तयार रहेको बताएका छन् । त्यस्तै दक्षिण कोरियाका राष्ट्रपति मून जे इनले राष्ट्रिय सुरक्षा परिषदको आकस्मिक बैठक बोलाएका छन् । मूनले उत्तर कोरियासँग सैनिक द्वन्द्व हुने चेतावनी दिएका छन् ।