एजेन्सी वैशाख २७।
अमेरिकी राष्ट्रपति डोनाल्ड ट्रम्पले संघीय जाँच आयोग एफबिआईका निर्देशक जेम्स कोमीलाई बर्खास्त गर्नुभएको छ ।
डेमोक्र्या्टिक पार्टीको तर्फबाट राष्ट्रपतिको उम्मेद्वार रहनु भएकी हिलारी क्लिन्टनको इमेलका सम्बन्धमा भएको अनुसन्धानको विषयलाई लिएर ट्रम्पले कोमीलाई बर्खास्त गरेको अधिकारीले बताएका छन् । गत साता कोमीले क्लिन्टनको इमेलका बारेमा कांग्रेसलाई जानकारी गराउनु भएको थियो ।
कांग्रेसलाई क्लिन्टनको इमेल सम्बन्धी गलत जानकारी दिएको कोमीमाथि आरोप छ । एफबिआईले ट्रम्पको राष्ट्रपतीय अभियानमा संलग्न व्यक्ति र रुसबिचको सम्बन्धका बारेमा पनि अनुसन्धन गरिरहेको छ ।
यही बिचमा ट्रम्पले कोमीलाई बर्खास्त गर्नुलाई अर्थपूर्ण रुपमा हेरिएको छ । राष्ट्रपति ट्रम्पले कोमीलाई महान्यायाधीवक्ता जेफ सेसन्सको सिफारिसमा बर्खास्त गर्नुभएको ह्वाइटहाउसले जनाएको छ ।
चार वर्षअघि एफबिआईको निर्देशकमा नियुक्त हुनुभएका कोमीको कार्यकाल अझै ६ वर्ष बाँकी थियो । एफबिआईको नयाँ निदेर्शकको खोजी तत्काल सुरु गरिएको ह्वाइटहाउसले जनाएको छ ।
