एजेन्सी, बैशाख २१ ।
इरानको उत्तरी क्षेत्रमा रहेको कोइला खानीमा पहिरो जाँदा च्यापिएर कम्तिमा २१ जनाको मृत्यु भएको छ ।

गोलेस्टन प्रदेशको खानीमा पहिरो जाँदा मिथेन ग्याँस विस्फोट भएको र त्यस क्रममा उनीहरूको मृत्यु भएको अन्तर्राष्ट्रिय सञ्चारमाध्यमहरूले जनाएका छन् । सरकारी अधिकारीहरूले दुर्घटनामा ७० जना घाइते भएको जनाएका छन् ।
खानीभित्र परेका केहीलाई भने उद्दार गरिएको इरानको आपतकालीन सेवाका प्रमुख पिर हुसैन कोलिभान्दलाई उदृत गर्दै समाचार संस्थाहरूले जनाएका छन् ।

पहिरो गएपछि सुरुङजस्तो बनेको ठाउँमा ग्याँस भरिएकाले उद्धार कार्य निकै कठिन भएको बताइएको छ । सरकारी सञ्चारमाध्यमहरूले खानीमा पहिरो गएका बेला करिब ५ सय कामदार रहेको जनाएका छन् ।

उत्तरी सागरमा कार्बन भण्डारण सुरु

उच्च मुद्रास्फीतिको सामना गर्न जापानमा ब्याजदर ३१ वर्ष यताको उच्च बिन्दुमा

ट्रम्प प्योङयाङसँग वार्ताको पक्षमा

रुसी संसदीय निर्वाचनका लागि मतदान सुरु

राष्ट्रसङ्घ महासभामा सहभागी हुन इरानी राष्ट्रपति र विदेशमन्त्रीलाई अमेरिकाको भिसा

हुथी आक्रमणपछि यमनमा एक लाख २५ हजारभन्दा बढी विस्थापित