एजेन्सी, बैशाख १७ ।
अमेरिकी राष्ट्रपति डोनाल्ड ट्रम्पले राष्ट्रपति पद सम्हालेको सय दिन आज पुगेको छ । सय दिन पुगेको अवसर पारी अमेरिकाको राजधानी वासिंटनसहित विभिन्न सहरमा हजारौँ विरोधीहरूले ट्रम्पविरूद्ध नारा लगाउँदै सडकमा उत्रेका छन् ।
प्रदर्शनकारीहरूले जलवायु परिवर्तनको विषयमा र्याली गर्दै ‘ट्रम्पलाई जलवायुको बाटोबाट हटिदेउ’ भन्ने नारा लगाएका छन् ।
पेन्सेल्भेनियामा आयोजित र्यालीमा ट्रम्पले आफ्नोबारे गरिएका आलोचनामा पत्रकारसँग केही साइनो नै नभएको भन्दै अमेरिकी राष्ट्रपति डोनाल्ड ट्रम्पले सञ्चारमाध्यम माथि आक्रोस पोखेका थिए ।
डोनाल्ड ट्रम्पले ह्वाइट हाउसद्वारा आयोजना गरिएको संवाददातासहितको डिनर मिटिङमा सहभागी नहुनेसमेत जनाएका छन् । सन् १९८१ मा रोनाल्ड रेगनपछि यस्तो वार्षिक कार्यक्रममा सहभागी नहुने उनी पहिलो अमेरिकी राष्ट्रपति बनेका छन् ।
उनले पद्भार सम्मालेकोे सय दिन पुगेको अवसरमा उनका समर्थकहरूले र्याली आयोजना गरिएको थियो । ट्रम्पको कार्यकालमा सय दिनसम्म निकै उत्साहजनक र रचनात्मक भएको जनाएको छ ।
