एजेन्सी, बैशाख १७ ।
इस्लामिक स्टेट आतंकवादी समूहद्वारा इराकको राजधानी बग्दादको मध्य भागमा गरिएको आत्मघाती कार बम आक्रमणमा परी चार जना ट्राफिक प्रहरी मारिएका छन् ।
बग्दादको कडा सुरक्षा रहेको तथा विदेशी सञ्चार संस्थानहरू एवं फ्रान्सेली दूताबासनजिकै रहेको ट्राफिक प्रहरीको कार्यालयलाई लक्षित गरी बम बिष्फोट गराइएको बताइएको छ । सोही क्षेत्रमा गत वर्षको जुलाईमा गराइएको बिष्फोटमा परी तीन सय २० जनाको ज्यान गएको थियो ।
इराकी सेनाले ठूलो क्षेत्र तथा शहरहरूमा कब्जा जमाई शासन गरेको इस्लामिक स्टेट आतंकवादी समूहलाई परास्त गर्दै दोश्रो ठूलो शहर मोसुलमा कारबाही जारी राख्दा इस्लामिक स्टेटले आत्मघाती आक्रमण तथा राजधानी बग्दादलाई लक्षित गरी आक्रमण थप बढाई रहेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
