एजेन्सी, बैशाख ६ ।
अमेरिकाको युद्धपोत जहाज तथा अन्य सैनिक सामग्रीहरू उत्तर कोरियाली प्रायद्वीप छोडेर विपरीत दिशा भारतीय महासागर सुन्दा स्ट्रेटतर्फ गएको छ ।
अमेरिकी नौ सेना कार्ल भिजन हडतालको समूह तथा अरमाडालाई अमेरिकी राष्ट्रपति डोनाल्ड ट्रम्पले गत हप्ता मात्र कोरियाली प्रायद्वीपमा पठाइएको थियो ।
अब अमेरिकी नौ सेना जहाजले अष्ट्रेलियाको सैनिकसँग संयुक्त रूपमा परिक्षण गर्ने अमेरिकी सैन्य प्यासिफिकका अधिकारीले जनाएको छ ।
उत्तर कोरियाले अमेरिकालाई चेतावनी स्वरूप उत्तर कोरियाले साप्ताहिक रूपमा आणविक मिसाइल परिक्षण गर्ने बताएका कारण अमेरिकाले उत्तर कोरियालाई भयभीत पार्न सो कदम चालेको हुन सक्ने बीबीसीले जनाएको छ ।
उत्तर कोरियाले साप्ताहिक कार्यक्रमअन्र्तगत आइतबार प्योङयाङमा सैनिक परेड गरेको लगतै अर्को मिसाइल परिक्षण गरेको पेन्टागनका सचिव जेम्सले बताए ।
उनले उत्तर कोरियाको चीनसँग राम्रो सम्बन्ध रहेको पनि खुलासा गरेको छ । अमेरिकाले आफ्नो सैनिक कोरियाली प्रायद्वीपबाट फिर्ता नलगे प्योङयाङले यसरी नै साप्ताहिक रूपमा आणविक मिसाइल परिक्षण गर्दै जाने र त्यसको कारणले विश्व युद्ध निम्त्याउन सक्ने बताएका छन् ।
