एजेन्सी, बैशाख ५ ।
अष्ट्रेलियामा बढ्दै गइरहेको बेरोजगारी समस्या समाधान गर्नका लागि अष्ट्रेलियाका प्रधानमन्त्री माल्कम टर्नबुलले अष्ट्रेलियन सरकारले दक्ष आप्रबासीका लागि प्रदान गर्न लागेको चार सय ५७ वटा भिसा रद्द गर्ने घोषणा गरेका छन् ।
उनले विदेशी कामदारलाई नियुुक्त गर्नुअघि आफ्नै देशका नागरिकलाई पहिलो प्राथमिकता दिनु पनि बताएका छन् ।
प्रधानमन्त्री टर्नबुलले अष्ट्रेलिया बहुसांस्कृतिक मुलुक भएकाले स्थानीयस्तरमा रोजगारीको अवसर श्रृजना गर्न सक्ने बताए ।
अष्ट्रेलिया एक आप्रबासीहरूको मुलुक हो र सधैँ रहनेछ भन्दै उनले राष्ट्रिय स्वार्थको अनुसार आप्रबासी नीति बनाउनु आवश्यक रहेको पनि बताए । अष्ट्रेलियामा सन् २०१६ को सेप्टेम्बरसम्म चार सय ५७ वटा भिसामा रद्द गरेको र अहिले अष्ट्रेलियामा ९५ हजार सात सय ५७ जना आप्रबासी बसोबास रहेको जनाएको छ ।
अष्ट्रेलियाको सरकारले गरेको सो घोषणापश्चात् दक्ष कामदारको रूपमा त्यहाँ रहेका नेपालीहरू पनि प्रभावित हुन सक्ने सम्भावनासमेत बढेको छ ।
