काठमाडौं, चैत्र ३१ ।
द्वन्द्वग्रस्त यमनमा ९० लाखभन्दा बढी मानिसहरूलाई तत्काल मानवीय सहायताको खाँचो रहेको संयुक्त राष्ट्रसंघीय विश्व खाद्य कार्यक्रम (डब्लुएफपी) ले जनाएको छ ।
उक्त क्षेत्रमा तत्काल खाद्य सहायता र्पुयाउन नसके गम्भीर भोकमरीको चपेटामा पर्ने जनाएको छ । यमनका सबै क्षेत्रमा भोकमरीको अवस्था रहेको र अहिले मानिसको जीवन रक्षाका लागि तीब्र गतिमा सहयोग गर्नु पर्ने आवश्यकता रहेको पनि बताइएको छ ।
भोकमरीका कारण आपतकालिन अवस्था सिर्जना भएको र यो अवस्थाको सामना गर्नका लागि एक अर्ब २० करोड अमेरिकी डलर भन्दा बढी आवश्यक पर्ने डब्लुएफपीले जनाएको छ । यमनमा भोकमरी तथा खाद्य सुरक्षाको अवस्था निकै गम्भीर अवस्थामा पुगेको छ ।
अहिले ६७ लाख भन्दा धेरै मानिसलाई तत्काल आधारभुत खाद्यान्न सहयोगको खाँचो रहेकोमा २२ लाख भन्दा बढी बालबालिका परेको डब्लुएफपीले जनाएको छ ।
