एजेन्सी, चैत्र २९ ।
फ्रान्सको उत्तरी क्षेत्रमा रहेको एक शरणार्थी शिविरमा आगलागी हुँदा त्यहाँ रहेका करिब एक हजार पाँच सयभन्दा बढी आप्रवासी शरणर्थी प्रभावित भएका छन् ।

अफगान र कुर्द समूहबीच झडप जारी रहेको समयमा आगलागी भएको स्थानीय अधिकारीले जानकारी दिएका छन् । शिविरमा स–साना छाप्राहरूमा खचाखच मानिस रहेकाले १० जना मानिस घाइते भएका छन् ।

आगलागीका कारण शिविरमा रहेका सम्पूर्ण छाप्राहरू जलेर नष्ट भएको स्थानीय समाचार संस्थाले जनाएको छ । उक्त शिविरबाट प्रवासीहरूलाई ब्रिटेन लैजानका लागि प्रयोग गर्ने गरिन्छ ।

शिविरमा धेरै हिंसात्मक घटनाहरू बेला–बेलामा हुने गरेको छ । स्थानीय प्रहरीले उल्लेख गरेअनुसार झडपका क्रममा छ जना मानिस आगो लाग्नुभन्दा अगाडि नै चक्कुको प्रहारले घाइते भएका थिए । घाइतेहरूलाई नजिकैको अस्पतालमा उपचारका लागि लगिएको छ ।

उत्तरी सागरमा कार्बन भण्डारण सुरु

उच्च मुद्रास्फीतिको सामना गर्न जापानमा ब्याजदर ३१ वर्ष यताको उच्च बिन्दुमा

ट्रम्प प्योङयाङसँग वार्ताको पक्षमा

रुसी संसदीय निर्वाचनका लागि मतदान सुरु

राष्ट्रसङ्घ महासभामा सहभागी हुन इरानी राष्ट्रपति र विदेशमन्त्रीलाई अमेरिकाको भिसा

हुथी आक्रमणपछि यमनमा एक लाख २५ हजारभन्दा बढी विस्थापित