एजेन्सी, चैत्र २६ ।
पश्चिम म्यानमारमा करिब ८० जना लिएर शुक्रबार साँझ बन्दरगाह शहर पाथेन नजिकैको नदीमा हिँडेको एउटा डुङ्गामा अर्को एक सामान ओसार्ने डुङ्गासँग ठक्कर खाँदा भएको दुर्घटनामा परी कम्तीमा २० जनाको ज्यान गएको म्यानमारको अधिकारीले आज बताएका छन् ।
डुङ्गामा यात्रारत करिब ३० जनालाई जीवितै उद्दार गरिएको छ । घटनामा मृत्यु हुनेमा १६ जना महिला र चार जना पुरुष रहेको क्षेत्रीय सांसद् आङ् थु हट्वीलाई उद्धृत गर्दै एफएफपीले जनाएको छ ।
स्थानीय सञ्चारमाध्यममले डुङ्गा एक विवाह समारोहमा सहभागी भई फर्केका स्थानीयले भरिएको थियो । म्यानमारमा डुङ्गाको भारबहन क्षमताभन्दा बढी यात्रु बोकेर यात्रा गर्दा वर्षेनी सयौँ मानिसको ज्यान जाने गरेको छ ।
सन् २०१६ को अक्टोबरमा भएको एक दुर्घटनामा मध्य म्यानमारमा रहेको चिनड्वीन नदीमा केही शिक्षक शिक्षिका र विद्यार्थीसहित ७३ जनाको मृत्यु भएको थियो ।
