एजेन्सी, चैत्र २२ ।
रूसको सेन्ट पिटर्सवर्गस्थित मेट्रो स्टेशनमा गराइएको विष्फोट काण्डमा कीर्गिस्तानका नागरिक रहेको पुष्टि गरेको छ । केन्द्रीय एशियाली मुलुकको सुरक्षा सेवाले गरेको एके अनुसन्धानबाट सो कुराको पुष्टि भएको हो ।
सेन्ट पिटर्सवर्गको भूमिगत दुई वटा मेट्रो रेल–वे स्टेशनबीच गराइएको उक्त विष्फोटनमा परी ११ जनको ज्यान गएको थियो भने ४५ जना घाइते भएका थिए । घटना कीर्गिज सुरक्षा गार्डमा काम गर्ने अकबारहोन जलिभो नामका व्यक्तिले आत्मघाती बम विष्फोट गराएको रिपोर्टमा उल्लेख गरेको छ ।
उक्त घटनापछि सेन्ट पिटर्सवर्गमा सरकारले तीन दिन शोक मनाउने घोषणासमेत गरेको छ ।रूसका राष्ट्रपति भ्लादिमिर पुटिन सेन्टपिटर्सवर्गको भ्रमणमा रहेकै बेला उक्त विष्फोट गराइएको हो । राष्ट्रपति पुटिनले सोमबार साँझ घटनाको निरीक्षण गर्दै मृतक परिवारप्रति समवेदना व्यक्त गर्नुका साथै मृतकका तस्वीरमा माल्यार्पणसमेत गरेका छन् ।
यसैबीच, अमेरिकी राष्ट्रपति डोनाल्ड ट्रम्पले रूसका राष्ट्रपति पुटिनलाई फोनवार्ता गर्दै आतंकवादको अन्त्य गर्न अमेरिका सदैव तयार रहेको बताएका छन् । घटनामा घाइते हुनेहरूमध्ये प्रायको अवस्था नाजुर रहेका कारण मृत्यु हुनेहरूको संख्या बढ्न सक्ने अस्पताल श्रोतले जनाएको छ ।
