जोहनेसबर्ग, १५ चैत ।
दक्षिण अफ्रिकामा भएको अस्वेत आन्दोलनका अगुवा अहमद कथ्राडाको आज विहान निधन भएको छ ।
स्वेतहरुले गरेको शासनका विरुद्ध भएको अस्वेत आन्दोलनका अगुवा तथा दक्षिण अफ्रिकाका सर्वोच्च नेता नेल्सन मण्डेलाका सबै भन्दा नजिकका सहयात्री कथ्राडाको ८७ वर्षको उमेरमा निधन भएको हो ।
कथ्राडा मण्डेलासँग सन् १९६४ मा आन्दोलन र जेलमा संगसगै पर्नुभएको थियो । उहाँहरुले नेतृत्व गरेको आन्दोलनले संसारको ध्यानाकर्षण गर्न सफल भएको थियो । उहाँले २६ वर्ष तीन महिना कारागारका विताउनुभएको थियो ।
मस्तीष्कको शल्यक्रिया भएको केहीदिनमै जोहानसबर्ग स्थीत अस्पतालमा उहाँको मृत्यु भएको हो ।
अस्वेत विरुद्ध गरिने भेदभाव विरुद्धको आन्दोलन सकिएपछि उहाँ सन् १९९४ देखि सन् १९९९ सम्म संसद् सदस्य बन्नुभएको थियो ।
उहाँको निधन भएकोमा अफ्रिकामा गहिरो दुःख व्यक्त गरिएको छ । अहमद कथ्राडा फाउन्डेसनका प्रमुख निशान बाल्टोनले शोक वक्तव्य प्रकाशित गर्दै उहाँको निधनले मुलुकलाई ठुलो क्षती पुगेको बताउनुभएको छ ।
स्वेतहरुले गरेको शासनका विरुद्ध अस्वेतहरुले गरेको संघर्षमा उहाँ १७ वर्षको उमेर देखिनै सक्रिय हुनुभएको थियो ।
उहाँलाई भद्र, निःश्वार्थी, त्यागी, सहयोगी र उदार व्यक्तिको रुपमा धेरै जानाले चिन्दथ्ये । उहाँले जलेमा रहेकै बेला अध्ययन गरेर चार ओटा विश्वविद्यालयबाट स्नातकोत्तर गर्नुभएको थियो ।
