एजेन्सी , १६ फागुन ।
आँधीबेहरी र पहिरोका कारण नदीहरु दूषित बनेपछि चिलीको राजधानी सान्टीयागोमा दिइँदै आएकोे खानेपानी आपूर्ति बन्द गरिएको छ ।
सान्टीयागाका मुख्य नदीहरु दूषित बनाएपछि अधिकारीहरुले खानेपानी आपूर्ति बन्द गरेको अन्तराष्ट्रिय सन्चारमाध्यमले जनाएका छन् । खानेपानी आपुर्ती बन्द भएपछि सो क्षेत्रका चालीस लाख व्यक्तिहरु प्रभावित भएका छन् ।
आँधीबेहरी र पहिरोको कारण चिलीमा चार व्यक्तिले ज्यान समेत गुमाइसकेका छन् । शनिबारबाट सुरु भएको अबिरल वर्षा र पहिरोका कारण माटो ढुङ्गासहितको पहिरो गएपछि माइपो नदी दूषित भएको थियो ।
सो नदीबाट सान्टीयागो सहरमा रहेको घेरै आवासीय भवनमा खानेपानी आपूर्ति गरिन्छ । उक्त नदी कहिलेसम्म सफा हुने भन्ने अझै यकिन नभएको अधिकारीहरुले बताएका छन् । खानेपानी नहुदा १४ लाख ५० हजार घरपरिवार प्रभावित भएका छन् ।
मानिस आपतकालिन धाराबाट बोतल र जारमा खानेपानी जम्मा गर्न लागेका छन् । बिना पानी नचल्ने रेष्टुरेन्ट जस्ता व्यापार बन्द गर्न अधिकारीहरुले निर्देशन दिएका छन् भने नयाँ शैक्षिक सत्र पनि अनिश्चित समयको लागि बन्द गरिएको छ ।
खानेपानी आपूर्तिको अभावका कारण सान्टीयागो जिल्लाको ३० वटा जिल्ला प्रभावित भएका सो क्षेत्रका गभर्नर क्लाउडिओ आर्रेगोले पत्रकार सम्मेलनमा बताउनुभएको छ ।
