काठमाडौ १२ फागुन ।
सिरिया सरकार र विद्रोही विपक्षी समुहबीच आजबाट शान्तिवार्ता सुरु हुँदैछ । संयुक्त राष्ट्रसंघको पहलमा स्विजरल्याण्डको जेनेभामा हुने वार्ता केही सातासम्म जारी रहने बताइएको छ ।
राष्ट्रसंघका सिरिया प्रतिनिधि स्टेफन सी मिष्टुराले आज सुरु हुने वार्ताले हिंसा अन्त्य नभएपनि शान्ति प्रक्रियाको बाटो सहज बनाउने प्रतिक्रिया दिनुभएको छ ।
विपक्षी समुहले राष्ट्रपति बसर अल असदको पदमा बसिरहनु पर्ने कारणका विषयलाई मुख्य एजेण्डा बनाएका छन् । यद्यपी सरकारी पक्षले सो विषयमाथिको छलफल अस्विकार गरेको छ ।
पछिल्लो एक वर्ष यता दुवै पक्ष बीच पहिलो पटक वार्ता हुने लागेको हो । सिरियामा सन् २०११ देखि सुरु भएको द्धन्द्धका कारण ३ लाख भन्दा बढी मानिसको मृत्यु भएको अन्तर्राष्ट्रिय सन्चार माध्यमले जनाएका छन् ।
द्धन्द्धकै कारण ४८ लाख बढी सर्वसाधारण विस्थापित भएका छन् । सिरियामा जारी द्वन्द्वका कारण शरणार्थी समस्या उच्च छ । पश्चिमा मुलुकले समेत संकट समाधानका लागि पहल आवश्यक रहेको प्रतिक्रिया दिदै आएका छन् ।
