एजेन्सी ८ फागुन ।
भारत उत्तर प्रदेशमा विधानसभा निर्वाचन अन्तरगत आज तेस्रो चरणको मतदान भइरहेको छ । तेस्रो चरणमा १२ जिल्लाका ६९ सिटका लागि मतदान भइरहेको भारतीय सन्चार माध्यमले जनाएका छन् ।
सात चरणमा हुने चुनाव अन्तरगत पहिलो चरणमा ७३ तथा दोस्रो चरणमा ६७ सिटका लागि मतदान भइसकेको छ । उत्तर प्रदेश विधानसभामा चार सय ३ सिट छ ।
उत्तर प्रदेशको चुनावलाई प्रधानमन्त्री नरेन्द्र मोदीको परीक्षणका रुपमा पनि हेरिएको छ । यो चुनावलाई पाँच सय र हजारको नोटलाई प्रतिबन्ध लगाउने सहितका प्रधानमन्त्री मोदीको निर्णयको परीक्षणको रुपमा पनि हेरिएको छ ।
सन् २०१४ मा भएको लोकसभा चुनावमा भारतीय जनता पार्टी बिजेपीले उत्तर प्रदेशका ८० मध्ये ७३ सिट जितेको थियो । तर विधानसभा चुनावमा बिजेपीको प्रदर्शन राम्रो नहुने विश्लेषण गरिएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
