एजेन्सी,माघ २७।
अफगानिस्तामा बिद्रोही संगठन इस्लामिक स्टेटका लडाकुले अन्तर्रा्ष्ट्रिय रेड क्रस समिति (आइसिआरसी) मा कार्यरत ६ जनाको हत्या गरेका छन् ।
अफगानिस्तानको जोव्जान प्रान्तमा भएको घटनामा आइसिआरसीमा काम गर्ने ६ जना अफगानी नागरिकको मृत्यु भएको सरकारी अधिकारीहरुलाई उद्धत गर्दै विविसीले जनाएको छ ।
उनीहरुलाई बन्दुकधारी आइएसका लडाकुले कुश तेपा क्षेत्रमा गोली हानेका हुन् । दुई जना रेड क्रसकर्मी बेपत्ता रहेको प्रान्तिय गभर्नरले बताएका छन् । उनीहरुलाई आइएसका लडाकुले अपहरण गरेको आशंका गरिएको अन्तराष्ट्रिय सञ्चारमाध्यमले जनाएका छन् ।
आइसिआरसीले भने घटनाको पुष्टि गर्दै हत्या कसले र किन गरेको हो भन्ने थाहा नभएको जनाएको छ । आइसिआरसीले इराकमा गर्दै आएको काम अस्थायी रुपमा बन्द गरेको छ । आइएसले सन् २०१५ देखि इराकमा हिंसात्मक गतिविधि गर्दै आएको छ ।
