एजेन्सी, माघ २५ ।
सिरियामा राष्ट्रपति बशार अल असदको सत्ताले विपक्षी समर्थक हजारौं सर्वसाधारणलाइ निर्ममतापूर्वक हत्या गरेको मानवअधिकारवादी संस्था एम्नेष्टी इन्टरनेशनलले जनाएको छ ।
राष्ट्रपति असदको सत्ताले १३ हजार विपक्षी समर्थक सर्वसाधारणलाई गोप्य रुपमा कारागारमै मारिएको एमनेष्टीले दावी गरेको विविसीले जनाएको छ ।
सन् २०११ सेप्टेम्बरदेखि २०१५ को डिसेम्बरसम्म हरेक हप्ता जस्तो स्याद्नाया कारागारमा सामूहिक रुपमा हत्या गर्ने गरिएको एमनेष्टीको भनाई छ ।
प्रत्येक वा दुई हप्ताको अन्तरमा २० देखि ५० जनाको सामूहिक हत्या गरिएको एम्नेष्टीको प्रतिवेदनमा उल्लेख छ । सर्वसाधारणको हत्यामा सिरियाका उच्च अधिकारी नै संलग्न रहेको प्रतिवेदनमा जनाइएको छ ।
सरकारले भने नागरिक वेपत्ता पार्ने र वेपत्ताकै अवस्थामा उनीहरुलाई हत्या गर्ने आरोप अस्वीकार गर्दै आएको छ । संयुक्त राष्ट्रसंघीय मानवअधिकार विज्ञहरुले पनि सिरियामा सामूहिक हत्या गर्ने गरिएको आफूसँग प्रमाण नै रहेको जनाएको थियो ।
