एजेन्सी माघ २३ । पाकिस्तानी प्रधानमन्त्री नवाज सरीफले भारत र पाकिस्तानबीच बिबादको मुख्य कारण कास्मीर रहेको भन्दै यसको विवाद नमिले सम्म क्षेत्रीय शान्ति संभव नरहेको बताएका छन् । आज कास्मीर ऐक्यवद्धता दिवसका अवसरमा प्रधानमन्त्री सरीफले विगत ७० वर्षदेखि भारतले कास्मीरी जनताको हक छिनेको र अधिकार दिन अस्वीकार गरीरहेको बताउनु भयो ।
कास्मीरमा भारतले सुनियोजित तरीकाले आतकवादको बढावा दिएर जनताको हत्या गरीरहेको सरीफले दावी गर्नु भयो ।
कास्मीरमा हिशा बन्द गर्न भारतलाई आग्रह गर्दै सरीफले सयुक्त राष्ट्रसंघको निर्देशन बमोजिम कास्मीरमा जनमत संग्रह गराउन सरीफले माग गर्नु भएको छ ।
पाकिस्तानी विदेश मन्त्रालयका सचिव सौकात अजिजले बुरहान बानी सहित कास्मीरीको भारतले निरन्तर हत्या गरे पनि जनताको स्वतन्त्रताको माग अन्त्य नभएको बताउनु भएको छ । भारतले कास्मीरलाई कब्जामा लिएको ७० वर्षमा पनि त्याहा शान्ति हुन सकेको छैन ।
भारतले कास्मीर भित्र मात्रै ७ लाख फौज तैनाथ गरेर कास्मीरी जनतामाथि नियन्त्रण गर्दै आएको छ ।
