एजेन्सी माघ २२ । अमेरीकाले मध्यम दुरीको ब्यालेष्टीक मिसाईल परीक्षण गरेको विरोधमा थप प्रतिवन्ध लगाए पछि ईरानको रिभोल्युसनरी गार्डले देशको सुरक्षामा कुनै किसिमको खतरा भए साईबर वार देखि गजराती मिसाईल सम्म प्रयोग गरेर जवाफ दिने चेतावनी दिएको छ । रिभोल्युसनरी गार्डद्धारा सञ्चालित वेवसाईटमा सेमनाम प्रान्तमा हुन लागेको सैन्य अभ्यास दुष्मनसगँको खतरा विरुद्धको पूर्ण तयारीको रुपमा भएको जनाईएको छ ।
रिभोल्युसनरी गार्डका कमाण्डरले शत्रुले हमलाको संकेत दिएमा स्वदेश निर्मित अत्याधुनिक क्षेप्यास्त्र बर्षाउने चेतावनी दिएका छन् । वेभसाईटमा अपमानजनक प्रतिवन्ध र सभावित हमलाको विरुद्ध साईवर युद्ध प्रणाली, स्वदेश निर्मित मिसाईल सिस्टम र राडार लाई व्यवस्थित प्रयोग गरिने जनाईएको छ ।
ब्रिगेडियर जनरल आमीर आलि हाजी जाहेदले तसमीन न्युज एजेन्सीलाई जानकारी दिदै गजराती क्षेप्यास्त्र शत्रुले गलत कदम उठाएमा प्रयोग गर्न सक्ने चेतावनी दिएका छन् । अमेरीकी राष्ट्रपति डोनाल्ड ट्रम्पले ईरानले क्षेप्यास्त्र परीक्षण गरे पछि आक्रोसपूर्ण प्रतिकृया दिए पछि ईरानले कडा जवाफ दिएको हो ।
