एजेन्सी, माघ २० ।
बेलायती संसदले युरोपियन युनियनबाट निस्कने प्रक्रियालाई निरन्तरता दिन प्रधानमन्त्री थेरेसा मेलाई समर्थन दिएको छ ।
ईयूसँग चलिरहेको बे्रक्जिट प्रक्रियालाई अगाडि बढाउने नबढाउने भन्ने सम्बन्धमा सरकारले ल्याएको ईयूसम्बन्धी विधेयकमा ३८४ जना सांसदले प्रक्रिया निरन्तर राख्न मत दिएको अन्तराष्टिय सञ्चारमाध्यमले जनाएका छन् । जसलाई विपक्षी लेबर पार्टीले पनि समर्थन गरेको छ ।
यस्तै ११४ जना सांसदले भने विपक्षमा मत हालेको बताइएको छ । लिबरल डेमोक्रेट सहितका तीन दलले पनि विधेयकको विपक्षमा मत दिएका छन् भने लेबर पार्टीका ४७ जना र सत्तारुढ टोरीका पूर्व चान्सलर क्लेन क्लार्कले भने विपक्षमा भोट हालेको बताइएको छ ।
गत हप्ता हाउस आफ कमन्समा फिर्ता आएको विधेयकमा अत्यधिक बहुमत मिलेको हो । गत जुनमा भएको जनमत संग्रहमा झिनो मतान्तरले युरोपेली युनियनबाट बाहिरिनुपर्छ भन्नेहरुको बहुमत आएको थियो ।
उक्त परिणामपछि प्रधानमन्त्री डेभिड क्यामरुनले राजीनामा दिनु भएको थियो भने थेरेसा मे नयाँ प्रधानमन्त्रीमा चुनिनु भएको थियो ।
