काठमाडौ १८ माघ ।
अमेरिकी राष्ट्रपति डोनाल्ड ट्रम्पले आफ्नो कार्यकारी आदेश नमानेको भन्दै महान्यायाधिवक्ता स्याली येट्सलाई पदबाट बर्खास्त गर्नुभएको छ । स्यालीले न्यायिक विभागलाई आप्रवासी सम्वन्धी ट्रम्पको आदेशको बचाउ नगर्ने बताउनु भएको थियो ।
हृवाइट हाउसले पूर्व राष्ट्रपति बाराक ओबामाले नियुक्रि गर्नुभएका महान्यायाधिपक्त स्यालीमाथि धोका दिएको आरोप लगाएको छ । स्यालीले आप्रवासी सम्वन्धी राष्ट्रपतिको आदेश नियम संगत नभएको बताउनु भएको थियो ।
राष्ट्रपति ट्रम्पले सिरियासहित मुस्लिम बहुल सात देशका नागरिकलाई अमेरिका प्रवेशमा रोक लगाउन कार्यकारी आदेश दिनुभएको थियो । ट्रम्पले स्यालीको ठाउँमा जेफ सेशन्सलाई मनोनित गर्नुभएको छ ।
महान्यायाधिवक्ताको बयानपछि ट्रम्पले डेमोक्रेटिक पार्टीमाथि राजनीतिक कारणले आफ्नो मन्त्रिपरिषद् विस्तारमा अवरोध गरेको आरोप लगाउनु भएको छ ।
