काठमाडौ ७ माघ । अमेरिकाका नवनिर्वाचित राष्ट्रपति डोनाल्ड ट्रम्पले आजदेखि पदभार सम्हाल्दै हुनुहुन्छ । गएको नोभेम्बरमा भएको राष्ट्रपतिय निर्वाचनमा डेमोक्रेटिक उम्मेदवार हिलारी क्लिन्टनलाई पराजित गर्दै ट्रम्प राष्ट्रपतिमा निर्वाचित हुनु भएको हो ।
आज ह्वाइट हाउसमा एक भव्य समारोहकाबीच ट्रम्पले ४५ औं राष्ट्रपतिको शपथ ग्रहण गर्दैहुनुहुन्छ । ट्रम्पको शपथ ग्रहण समारोह नेपाली समय अनुसार राति पौने ११ बजे बाट सुरु हुने छ । आजदेखि नै राष्ट्रपति बाराक ओबामाको कार्यकाल पूरा हुँदैछ ।
ट्रम्प शपथ ग्रहण समारोहका लागि ह्वाइट हाउस पुगीसक्नु भएको जनाइएको छ । नव नियुक्त राष्ट्रपति टम्पका सामु विभाजित देशलाई एक बनाएर लैजाने चुनौती रहेको छ ।
चुनावी अभियानदेखि नै महिलामाथिको प्रतिक्रिया तथा विभिन्न यौन दुव्र्यवहारका आरोप तथा भिडियोका कारण ट्रम्प आलोचित हुदै आउनु भएको छ । रिपब्लिकन पार्टी भित्रकै धेरै नेता पनि ट्रम्पको व्यवहारबाट असन्तुष्ट रहेका छन् ।
यसैगरी चुनावका बेला रुसले गरेको ह्याकिङ र ट्रम्पलाई सहयोग गर्न चाहेको भन्ने गुप्तचर विभागको प्रतिवेदनका कारण पनि ट्रम्प आलोचनाको घेरामा हुनुहुन्छ ।
