काठमाडौ ५ पौष ।
रुसी राष्ट्रपति भ्लादिमिर पुटिनले अमेरिकाका नवर्विाचित राष्ट्रपति डोनाल्ड ट्रम्पका बारेमा आफूहरुसँग आपत्तिजन जानकारी रहेको भन्ने आरोप कपोलकल्पित भएको बताउनु भएको छ ।
ट्रम्प राजनीतिमा आउनु पूर्व नै उहाँका बारेमा निगरानी गर्नु पर्ने कुनै कारण नरहेको पुटिनको भनाई थियो । उहाँले ट्रम्पका बारेमा आपत्तिजनक जानकारी रहेको भन्ने खबर आधारहिन रहेको बताउनु भयो ।
अमेरिकी गुप्तचर विभागले गत साता सार्वजनिक गरेको प्रतिवेदनमा रुसले अमेरिकी राष्ट्रपति निर्वाचनलाई प्रभावित पार्न खोजेको र ट्रम्पको निजी जिन्दगीसँग गोप्य र आपत्तिजनक डिभियो सहितका जानकारी रहेको उल्लेख गरेको थियो ।
ट्रम्प सन् २०१३ मा मस्कोमा भएको मिस युनिभर्समा सहभागी हुन गएको र त्यसबेला त्यहाँको रिट्ज कारल्टन होटलमा ट्रम्प एक यौनकर्मी महिलासँग बसेको आरोप छ । रुससँग त्यसबेलाको भिडियो रहेको प्रतिवेदनमा उल्लेख छ ।
