एजेन्सी , २ माघ ।
एसियाली मुलुकहरुमा विद्युतीय फोहोर उत्पादनमा तिब्र बृद्धि भईरहेको एक अध्ययनले देखाएको छ ।
बिद्युतीय फोहरकै कारण वातावरण तथा मानव स्वास्थ्यमा गम्भीर प्रकारका नकारात्मक असर पार्ने देखिएको संयुक्त राष्ट्रसङ्घ विश्वविद्यालयले आज सार्वजनिक गरेको अध्ययन प्रतिवेदनले देखाएको छ ।
करोडौँ मानिसको स्मार्ट फोन तथा अन्य विद्युतीय सामग्रीप्रति बढ्दो आकर्षण र एसियाली जनताको आम्दानीमा वृद्धि हुँदा विद्युतीय फोहोर तीव्रस्तरमा वृद्धी भएको प्रतिवेदनमा उल्लेख छ ।
एसियामा पछिल्लो पाँच वर्षमा विद्युतीय फोहोर उत्पादन पाँच वर्ष पहिलेको तुलानामा ६३ प्रतिशतले वृद्धि भएको प्रतिवेदनले देखाएको छ । प्रतिवेदनले यस क्षेत्रका प्राय राष्ट्रमा विद्युतीय फोहोरलाई पुनः प्रयोग र सुरक्षित व्यवस्थापनमा ध्यान दिनुपर्ने निष्कर्ष समेत निकालेको छ ।
राष्ट्रसङ्घ विश्व विद्यालयका दीगो फोहोर व्यवस्थापन सम्बन्धी कार्यक्रम प्रमुख रुइडिगर कुइरले फोहर उत्पादनमा कमि र व्यावस्थापन उचित तरिकाले नगरे भविश्यमा मानव स्वास्थ्यमा ठुलो असर गर्ने बताउनु भयो । एसियाली जनताको फोन, ट्याबलेट, रेफ्रिजेरेटर, व्यक्तिगत कम्प्यूटर र टेलीभिजनप्रतिको अत्याधिक आकर्षणका कारण पनि फोहर उत्पादनमा बढेको छ ।
पछिल्ला केही वर्षमा चीन र एसियाली केही अन्य भू–भाग विकशित राष्ट्रमा उत्पादित विद्युतीय फोहोर थुप्राउने ठाउँ बने पनि फोहोरलाई पुनः प्रयोग गर्न अपनाइने गरेको प्रविधि प्रायजसो अन्यन्त सस्तो र असुरक्षित प्रविधियुक्त कम्पनीमा गराउने गरको प्रतिवेदनको ठहर छ ।
तर प्रतिवेदनले एसियालाई पछिल्लो समय विद्युतीय फोहोर उत्पादन गर्ने मुख्य स्रोत केन्द्र बनेको बताएको छ ।
यसैबीच राष्ट्रसङ्घीय निकायद्वारा गरिएको अध्ययनले अव्यवस्थित तथा गैरकानूनी विद्युतीय फोहोर व्यवस्थापनका कारण वातवारणमा अत्यन्तै विषालु रसायन प्रवाह हुने र यसबाट जैविक स्वास्थ्य र बातावरणमा समेत नकारात्मक परिणाम निम्तिएको बताएको छ ।
