एजेन्सी, पुस २९ ।
अमेरिकी उपराष्ट्रपति जोय बिडेनलाई स्वतन्त्रता सम्मान प्रदान गरिएको छ । अमेरिकी राष्ट्रपति बराक ओबामाले बिडेनलाई राष्ट्रपति स्वतन्त्रता सम्मानबाट विभूषित गरेका हुन् ।
दुबै व्यक्ति ह्वाइटहाउसबाट बाहिरिँदै गर्दा सम्मान कार्यक्रमको आयोजना गरिएको हो । कार्यक्रममा राष्ट्रपति ओबामाले अमेरिकी जनता र मुलुक प्रतिको विश्वास एवं जीवन भरको सेवाका कदर स्वरुप सम्मान गर्न पाउनु गर्वको कुरा भएकोे बताउनु भयो ।
कार्यक्रममा उपराष्ट्रपति बिडेनले आफू आगामी दिनमा डेमोक्रेटिक पार्टीको राजनीतिमै समर्पित हुने बताउनु भएको छ । आश्चर्यजनक रुपमा सम्मान प्राप्त गर्दा उपराष्ट्रपति बिडेन निकै नै भावुक बन्नु भएको थियो ।
नागरिकलाई प्रदान गरिने यो सबैभन्दा उच्च अमेरिकी सम्मान हो । आगामी जनवरी २० तारिखमा नवनिर्वाचित राष्ट्रपति डोनाल्ड ट्रम्पले पदभार सम्हालेपछि राष्टपति र उपराष्टपति दुबै पदबाट मुक्त हुनु हुनेछ ।
