काठमाडौं, पुस २८ ।
नवनिर्वा्चित अमेरिकी राष्ट्रपति डोनाल्ड ट्रम्पले मुलुकको जासूसी संस्थाहरु आलोचना गर्नु भएको छ ।
रुससँग आफ्ना विरुद्ध निकै गोप्य र खतरनाक प्रमाणहरु रहेको भन्ने सूचना सार्वजनिक गराइएको भन्दै उहाँले आफ्नै देशका जासूसी संस्थाहरुविरुद्ध आक्रोश व्यक्त गर्नु भएको हो ।
रुससँग ट्रम्पको विरुद्धमा आपत्तिजनक जानकारी भएको भन्ने जस्ता सूचना चुहाउन पनि जासूसी निकायहरुकै हात रहेको उहाँको आरोप थियो ।
राष्ट्रपतिमा निर्वा्चित भएपछि पहिलो पटक पत्रकार सम्मेलन गर्दै उहाँले ती कागजातहरु पूरै झूठो रहेको जिकीर गर्नु भयो ।
ट्रम्प यौनकर्मी महिलाहरुसँग रहेकोे भिडीयो र अन्य कारोबार बारेका गोप्य जानकारी रुससँग रहेको खबर बाहिर आएपछि ट्रम्पले पत्रकार सम्मेलन गर्दै ती सबै झूठा आधारहिन रहेको जिकीर गर्नु भएको अन्तराष्टिय सञ्चार माध्यमले जनाएका छन् ।
जासूसी संस्थाहरुबाटै यस्ता झूठपूर्ण प्रचार गरिनु कार्य अशोभनीय भएको उहाँको भनाई थियो । उहाँले आगामी जनवरी २० तारिखमा राष्टपतिको पद तथा गोपनियताको शपथ लिदै हुनुहुन्छ ।
