एजेन्सी २६ पौष ।
अमेरिकाका नवनिर्वाचित राष्ट्रपति डोनाल्ड ट्रम्पले आफ्नै ज्वाई जारेड कुशनरलाई ह्वाइट हाउसको वरिष्ठ सल्लाहकारमा नियुक्त गर्ने तयारी गर्नुभएको छ ।
ससुरा ट्रम्पलाई राष्ट्रपतिमा जिताउन महत्वपूर्ण भूमिका निर्वाह गर्नुभएका ३५ वर्षीय कुशनरले ह्वाइट हाउसमा रहेर आन्तरिक र वाह्य नीति सम्बन्धि काम हेर्ने जनाइएको छ ।
राष्ट्रपति निर्वाचनमा ससुरा ट्रम्पलाई अर्थ संकलन गर्न कुशनरले ठूलो भूमिका निर्वाह गरेको अन्तर्राष्ट्रिय सन्चार माध्यमहरुले जनाएका छन् ।
ह्वाइट हाउसको वरिष्ठ सल्लाहकारमा नियुक्ति भएसँगै आगामी दिनमा मध्य पूर्वमा व्यवसाय सम्बन्धि सम्झौता गर्ने जिम्मेवारी कुशनरको रहने जनाइएको छ ।
यद्यपि सरकारी नियुक्तिमा आफ्ना नातेदारलाई नियुक्त गर्नु अमेरिकी कानूनको उल्लंघन हुने भन्दै केहीले आलोचना समेत गरेका छन् । कुशनर घरजग्गा कारोबारी हुन् ।
